Mikill hugur í reiðhallarnefnd

Mikill hugur er í reiðhallarnefnd þessa dagana en þeir hafi verið sveittir í sjálfboðavinnu í höllinni frá því fyrir jól og hafa nýtt frídagana milli jóla og nýárs vel.  

Undanfarið hafa þeir unnið að setja upp vökvunarkerfi og gerðu sér  ferð að Kjarri í Ölfusi til að skoða vökvunarkerfið hjá þeim sem er svipað og notað er í gróðurhúsum. 

Reiðhallarnefnd Sóta eru þegar langt komnir með að koma því í gagnið í Dýralífs-Höllinni. Einnig er búið að setja upp hillur fyrir sessurnar þar sem þær munu ekki safna ryki og raka, heldur vera tilbúnar fyrir næsta viðburð. 

Einnig er stefnt á að fræsa upp gólfið, laga lýsingu, setja upp hljóðkerfi, hitara á pallinn ofl, ofl.  

Í reiðhallarnefnd 2026 eru Ari (formaður), Gulli, Oddur, Styrmir, Valdimar, Carsten, Jörundur, Steinunn og Sigurjón.  Einnig hefur Guðmundur Ragnars, Guðmundur Þórir og Assi hjálpað til.  

VEL GERT!