Niðurstöður úr folaldasýningu Sóta

Soti
May 5
2 min read

Updated: May 6

Skemmtilegur kynbótadagur hjá Sóta

Laugardaginn 26.apríl fór fram sýning / keppni meðal folalda í eigu félagsmanna Sóta.

6 hestfolöld og 5 merfolöld mættu til leiks en Elsa Albertsdóttir, doktor í erfða og kynbótafræði dæmdi folöldin. Dæmt var eftir nýjum ICE foal staðli þar sem folöldin fá stig fyrir byggingu og hreyfingar.

Einnig var félagsmönnum gefin kostur á að koma með eldri hross þar sem Elsa fór yfir sköpulag og útskýrði vel hvernig hver liður er dæmdur (höfuð, háls/herðar/bógar, bak og lend, samræmi, fótagerð, réttleiki, afturfætur, hófar og prúðleiki) Félagsmenn mættu með nokkrar merar, stóðhest og gelding og var mjög áhugavert að heyra hvað Elsa hafði að segja.

Tómas og fjölskylda buðu svo í kaffi í vöfflur í félagshúsi.

Í verðlaun fyrir besta hestfolaldið var folatollur undir Kolgrím frá Breiðholti, gefin af Högna, Magnúsi og Gunnari og fyrir besta merfolaldið var folatollur undir Vökul frá Efri-Brú, gefin af Guðrúnu Böðvarsdóttir.

Kærar þakkir fyrir frábæran dag!

Úrslit:

Merfolöld:

1.sæti: Boðadís frá Breiðholti Gbr

Litur: Jarpskjótt

F: Atlas frá Hjallanesi 1

M; Mánadís frá Breiðholti, Gbr

Eigendur og ræktendur: Högni og Magnús Már Gunnarsynir

2.sæti: Snælda frá Straumi

Litur: Brún

F: Vökull frá Efri-Brú

M: Snerpa frá Straumi